អន្តរជាតិ ៖ ប្រធានាធិបតីអាមេរិក លោក Joe Biden បានប្រាប់ CNN ក្នុងបទសម្ភាសន៍មួយថា ៖ លោកមិនជឿថា មេដឹកនាំរុស្ស៊ី លោក វ្ល៉ាឌីមៀ ពូទីន នឹងប្រើប្រាស់អាវុធនុយក្លេអ៊ែរយុទ្ធសាស្ត្រក្នុងជម្លោះអ៊ុយក្រែននោះទេ។
លោក Biden បាននិយាយ នៅពេលអ្នកកាសែតសួរអំពីលទ្ធភាពនៃការប្រើប្រាស់អាវុធនុយក្លេអ៊ែរយុទ្ធសាស្ត្រថា ខ្ញុំមិនគិតថាគាត់នឹងធ្វើវាទេ។
គួរបញ្ជាក់ថា កាលពីថ្ងៃទី ៧ ខែតុលា លោក Biden បាននិយាយថា ជាលើកដំបូង ចាប់តាំងពីវិបត្តិកាំជ្រួចគុយបាមក ពិភពលោក កំពុងប្រឈមមុខនឹងការគំរាមកំហែងដោយផ្ទាល់ពីការប្រើប្រាស់អាវុធនុយក្លេអ៊ែ។
ប្រធានាធិបតីអាមេរិករូបនេះ ក៏បាននិយាយផងដែរថា លោក ស្គាល់មេដឹកនាំរុស្ស៊ី ច្បាស់ណាស់ ហើយនោះហើយជាមូលហេតុដែលលោក គិតថា លោក Putin មិនលេងសើចទេ នៅពេលដែលលោក និយាយអំពីការប្រើប្រាស់អាវុធនុយក្លេអ៊ែរយុទ្ធសាស្ត្រ៕
