ខេត្តតាកែវ ៖ នៅថ្ងៃទី០១ ខែមករា ឆ្នាំ២០២០ វេលាម៉ោង១៨និង៣០នាទី នៅភូមិតាយឹង ឃុំដូងខ្ពស់ ស្រុកបូរីជលសារ ខេត្តតាកែវ បុរសម្នាក់បានស្លាប់ភ្លាមៗនៅកន្លែងកើតហេតុដោយសារជនរងគ្រោះបើកម៉ូតូទៅបុកគោយន្តកន្ត្រៃមានទិសដៅស្របគ្នាពីក្រោយពេញទំហ៊ឹង។
ហេតុការណ៍នេះ បើតាមសម្តីប្រជាពលរដ្ឋបានអោយដឹថា មុនពេលកើតហេតុ ម៉ូតូជនរងគ្រោះ និងគោយន្តបើកបរស្របទិសគ្នាពីកើតទៅលិច ដោយគោយន្តនៅខាងមុខ លុះមកដល់ចំណុចកើតហេតុ ម៉ូតូជនរងគ្រោះបានបុកគោយន្តពីក្រោយពេញទំហឹង បណ្តាលឲ្យអ្នកបើកបរស្លាមភ្លាមៗនៅកន្លែងកើតហេតុតែម្តងទៅ។
តាមការឲ្យដឹងពីប៉ូលីសស្រុកបូរីជលសារបានអោយដឹងថា ជនរងគ្រោះមានឈ្មោះ ទេស ងឿន ភេទប្រុស អាយុ៣៧ឆ្នាំ រស់នៅស្រុកអង្គរជ័យ ខេត្តកំពត់។ ចំណែកអ្នកបើកបរគោយន្តកន្ត្រៃមានឈ្មោះ ណុប រ៉ា ភេទប្រុស អាយុ២៩ឆ្នាំ រស់នៅភូមិតារស់ ឃុំដូងខ្ពស់ ស្រុកបូរីជលសារ ខេត្តតាកែវ ៕
