រាជធានីភ្នំពេញ ៖ នៅព្រឹកថ្ងៃនេះ សមត្ថកិច្ចបានបញ្ជូនអ្នកបើកឡាន ដឹកជនដៃដល់បាញ់សម្លាប់លោក រ៉េត ស៊ីណែត នាយរងការិយាល័យ ព្រហ្មទណ្ឌកម្រិតស្រាលមកតុលាការ ខណដែលជនដៃដល់កំពុងតែរត់គេចខ្លួននៅឡើយ ។
គួររំលឹកថា អ្នកបើកឡានដឹកជនដៃដល់រូបនេះ ឈ្មោះ កែ ចាន់មាន រស់នៅចំណុចផ្ទះជួល ជិតបច្ឆាវត្តទួលតាឯក ស្ថិតក្នុងភូមិអូរតាគាំ១ សង្កាត់ទួលតាឯក ក្រុងបាត់ដំបង ។
តាមព័ត៌មានទទួលបានអ្នកបើកឡានរូបនោះត្រូវបានព្រះរាជអាជ្ញារង អមសាលាដំបូង រាជធានីភ្នំពេញ ចោទប្រកាន់ពីបទសមគំនិតក្នុងអំពើឃាតកម្ម និងជួញដូរគ្រឿងញៀន រួចបញ្ជូនសំណុំរឿងនេះ ទៅចៅក្រមស៊ើបសួរចាត់ការបន្តតាមនីតិវិធី ៕
